María M. Álvarez Lires

Profesora Contratada Doutora

Licenciada en Ciencias Químicas pola Universidade de Santiago de Compostela, cursou un Doutoramento en Química na Universidade de Vigo, onde actualmente é profesora contratada doutora no Departamento de Didácticas Especiais, área de Didáctica das Ciencias Experimentais, da Facultade de Ciencias da Educación e do Deporte de Pontevedra. Imparte docencia no Grao en Educación Infantil, no Mestrado en Investigación e Innovación en Didácticas Específicas para Educación Infantil e Primaria, e no Mestrado para a Formación do Profesorado de Secundaria.

As súas liñas de investigación son: ciencia e xénero, formación do profesorado, didáctica e historia das ciencias; educación e xénero, xénero e desenvolvemento sustentable.

En canto ao seu labor investigador, participou en múltiples proxectos de investigación e innovación como “Progresións de aprendizaxe nas competencias e prácticas científicas: contextualización de modelos, uso de probas e indagación científica” ou “Prácticas Científicas na Ensinanza e Aprendizaxe das Ciencias: Dimensións na transferencia e o desempeño”. Foi ademais investigadora principal doutros como “REDES de Innovación para a Inclusión Educativa e Social”, “Achegas das mulleres á sustentabilidade do mar” e “O mar das mulleres: sustentable e produtivo”.

A súa produción científica xira en torno ás temáticas xénero, ciencia e educación.